《純熟意外》開始進入高潮位，除了早前吳啟華自爆其角色喬文傑係700幾歲嘅不死人之外，大家亦好關心到底文傑同殷然(蔡思貝)係咩關係！昨晚十五集講到殷然暫時失去視力後，期間險遇車禍，幸有人出手相救，而然以為對方係文傑(吳啟華)，其後更大膽向傑表白，指失去視力期間，原來文傑對佢來說十分重要！不過，傑看來大感愕然，而傑後來更回憶跟大肚亡妻莊穎兒(李施嬅)昔日美好時光，令人聯想到，一向極之關心殷然嘅文傑，唔通就係殷然爸爸！？

神秘人救然

暫失去視力嘅然約了傑相見，當步出車外，突然駛來一架貨車，眼見然將被車撞倒，突然有神秘人出手相救！

然向傑表白

然以為剛剛係傑救佢一命，即捉實傑手說多謝，又以患弱視嘅藝術家田靈(陳華鑫)畫有顏色畫作譬喻，指因為顏色代表喜歡感覺，只要見到鍾意的人就會見到顏色，而然遇車禍後見一紅色影子，就認定救佢嘅一定係傑！不過，傑根本唔知發生咩事，大感愕然，然又說當失去視力時，反而會用心去睇去感受周圍人同事，如果唔係咁，就唔知傑對佢係咁重要！

解喬文傑身世之謎

傑突然感慨起來，更詩興大發，說出唐代詩人劉禹錫嘅作品《泰娘歌》中「舉目風煙非舊時，夢尋歸路多參差」，對亡妻莊穎兒依然念念不忘，更回憶跟對方昔日美好日子！當年傑帶腹大便便嘅亡妻出外睇風景，又跟對方解說景物特色及由來，講完後太太大讚傑「好叻喎，歷史博士」，活咗七百幾年，梗係熟歷史啦！

亡妻終曝光

之後，穎兒伸出手捉實傑，又將傑手放落腹大便便肚上，傑感受到BB嘅郁動，即興奮得笑起來，此時，傑亡妻終曝光，原來係由李施嬅分身演出！之後穎兒好幸福咁挨落傑懷中，欣賞風景！

女神被騙了

言愛(女神孫慧雪)跟卓翹(楊潮凱)約會，卓翹表示要為雜誌影相，要求愛充當model，愛本來對翹有意思，當然應承！之後翹為打聽愛身世，叫愛說出自己背景，期間愛表示自幼無父無母，一直只有殷然這個好朋友，雖然想然跟文傑有好結果，但又怕之後只剩佢一個，熱淚盈眶表示唔想再有被遺棄感覺，卓翹被言愛嘅說話感動，突然生憐憫之情，跟愛吻了起來！不過，身為記者嘅卓翹並非真心，只想從言愛身上套取秘密！

延伸閱讀：

情趣酒店過AV癮

怪叔叔約嫩模過夜 想對方「成長」